Viniyogaḥ
अस्य श्री मध्यमचरित्रस्य विष्णुरृषिः ।
श्रीमहालक्ष्मीर्देवता ।
उष्णिक् छन्दः । शाकम्भरी शक्तिः । दुर्गा बीजम् ।
वायुस्तत्त्वम् ।
यजुर्वेदः स्वरूपम् । श्रीमहालक्ष्मीप्रीत्यर्थे
मध्यमचरित्रजपे विनियोगः ।
asya śrī madhyamacaritrasya viṣṇurṛṣiḥ ।
śrīmahālakṣmīrdevatā ।
uṣṇik chandaḥ । śākambharī śaktiḥ । durgā bījam ।
vāyustattvam ।
yajurvedaḥ svarūpam । śrīmahālakṣmīprītyarthe
madhyamacaritrajape viniyogaḥ ।
asya shrī madhyamacharitrasya vishnurrishih ।
shrīmahālakshmīrdevatā ।
ushnik chhandah । shākambharī shaktih । durgā bījam ।
vāyustattvam ।
yajurvedah svarūpam । shrīmahālakshmīprītyarthe
madhyamacharitrajape viniyogah ।
इस मध्यम चरित्र के ऋषि विष्णु हैं; देवता श्री महालक्ष्मी हैं; छन्द उष्णिक् है; शक्ति शाकम्भरी है; बीज दुर्गा है; तत्त्व वायु है; स्वरूप यजुर्वेद है। श्री महालक्ष्मी की प्रसन्नता के लिए मध्यम चरित्र के जप में (इसका) विनियोग है।
Of this Middle Charitra the seer is Vishnu; the deity, Shri Mahalakshmi; the metre, Ushnik; the Shakti, Shakambhari; the seed, Durga; the element, air; the form, the Yajurveda. Its application is in the recitation of the Middle Charitra for the pleasure of Shri Mahalakshmi.
Dhyānam
ॐ अक्षस्रक्परशू गदेषुकुलिशं पद्मं धनुः कुण्डिकां
दण्डं शक्तिमसिं च चर्म जलजं घण्टां सुराभाजनम् ।
शूलं पाशसुदर्शने च दधतीं हस्तैः प्रवालप्रभां
सेवे सैरिभमर्दिनीमिह महालक्ष्मीं सरोजस्थिताम् ॥
ॐ akṣasrakparaśū gadeṣukuliśaṁ padmaṁ dhanuḥ kuṇḍikāṁ
daṇḍaṁ śaktimasiṁ ca carma jalajaṁ ghaṇṭāṁ surābhājanam ।
śūlaṁ pāśasudarśane ca dadhatīṁ hastaiḥ pravālaprabhāṁ
seve sairibhamardinīmiha mahālakṣmīṁ sarojasthitām ॥
ॐ akshasrakparashū gadeshukulisham padmam dhanuh kundikām
dandam shaktimasim cha charma jalajam ghantām surābhājanam ।
shūlam pāshasudarshane cha dadhatīm hastaih pravālaprabhām
seve sairibhamardinīmiha mahālakshmīm sarojasthitām ॥
जो अपने (अठारह) हाथों में अक्षमाला, परशु, गदा, बाण, वज्र, पद्म, धनुष, कुण्डिका, दण्ड, शक्ति, खड्ग, ढाल, शंख, घण्टा, सुरापात्र, शूल, पाश और सुदर्शन चक्र धारण करती हैं; जिनकी कान्ति प्रवाल (मूँगे) के समान है; जो महिषासुर का मर्दन करने वाली हैं — कमल पर विराजमान उन महालक्ष्मी की मैं यहाँ सेवा (ध्यान) करता हूँ।
I worship here Mahalakshmi seated on the lotus, slayer of the buffalo-demon, radiant as coral — bearing in her hands the rosary, axe, mace, arrow, thunderbolt, lotus, bow, water-pot, staff, spear, sword, shield, conch, bell, wine-cup, trident, noose and the discus Sudarshana.
2.1 ॐ ह्रीं ऋषिरुवाच ॥ २.१॥
ॐ hrīṁ ṛṣiruvāca ॥ 2.1॥
ॐ hrīm rishiruvācha ॥ 2.1॥
ॐ ह्रीं। ऋषि बोले —
Om Hrim. The seer said:
2.2 देवासुरमभूद्युद्धं पूर्णमब्दशतं पुरा ।
महिषेऽसुराणामधिपे देवानां च पुरन्दरे ॥ २.२॥
devāsuramabhūdyuddhaṁ pūrṇamabdaśataṁ purā ।
mahiṣe'surāṇāmadhipe devānāṁ ca purandare ॥ 2.2॥
devāsuramabhūdyuddham pūrnamabdashatam purā ।
mahishe'surānāmadhipe devānām cha purandare ॥ 2.2॥
पूर्वकाल में, जब महिष असुरों का अधिपति था और पुरन्दर (इन्द्र) देवताओं का, तब देवताओं और असुरों में पूरे सौ वर्षों तक युद्ध हुआ।
Of old, when Mahisha was lord of the asuras and Purandara (Indra) of the gods, there was war between gods and demons for a full hundred years.
2.3 तत्रासुरैर्महावीर्यैर्देवसैन्यं पराजितम् ।
जित्वा च सकलान् देवानिन्द्रोऽभून्महिषासुरः ॥ २.३॥
tatrāsurairmahāvīryairdevasainyaṁ parājitam ।
jitvā ca sakalān devānindro'bhūnmahiṣāsuraḥ ॥ 2.3॥
tatrāsurairmahāvīryairdevasainyam parājitam ।
jitvā cha sakalān devānindro'bhūnmahishāsurah ॥ 2.3॥
उस (युद्ध) में महापराक्रमी असुरों ने देव-सेना को पराजित कर दिया; और समस्त देवताओं को जीतकर महिषासुर (स्वयं) इन्द्र बन बैठा।
In it the army of the gods was beaten by the asuras of great valour; and having conquered all the gods, Mahishasura made himself Indra.
2.4 ततः पराजिता देवाः पद्मयोनिं प्रजापतिम् ।
पुरस्कृत्य गतास्तत्र यत्रेशगरुडध्वजौ ॥ २.४॥
tataḥ parājitā devāḥ padmayoniṁ prajāpatim ।
puraskṛtya gatāstatra yatreśagaruḍadhvajau ॥ 2.4॥
tatah parājitā devāh padmayonim prajāpatim ।
puraskritya gatāstatra yatreshagarudadhvajau ॥ 2.4॥
तब पराजित देवता पद्मयोनि प्रजापति (ब्रह्मा) को आगे करके वहाँ गये, जहाँ ईश (शिव) और गरुडध्वज (विष्णु) थे।
Then the defeated gods, placing the lotus-born Prajapati at their head, went where Isha (Shiva) and the Garuda-bannered (Vishnu) were.
2.5 यथावृत्तं तयोस्तद्वन्महिषासुरचेष्टितम् ।
त्रिदशाः कथयामासुर्देवाभिभवविस्तरम् ॥ २.५॥
yathāvṛttaṁ tayostadvanmahiṣāsuraceṣṭitam ।
tridaśāḥ kathayāmāsurdevābhibhavavistaram ॥ 2.5॥
yathāvrittam tayostadvanmahishāsuracheshtitam ।
tridashāh kathayāmāsurdevābhibhavavistaram ॥ 2.5॥
देवताओं ने उन दोनों से महिषासुर की करतूत और देवताओं की पराजय का विस्तार ज्यों-का-त्यों कह सुनाया।
The gods recounted to those two, just as it had happened, the doings of Mahishasura and the full tale of the gods' humiliation:
2.6 सूर्येन्द्राग्न्यनिलेन्दूनां यमस्य वरुणस्य च ।
अन्येषां चाधिकारान्स स्वयमेवाधितिष्ठति ॥ २.६॥
sūryendrāgnyanilendūnāṁ yamasya varuṇasya ca ।
anyeṣāṁ cādhikārānsa svayamevādhitiṣṭhati ॥ 2.6॥
sūryendrāgnyanilendūnām yamasya varunasya cha ।
anyeshām chādhikārānsa svayamevādhitishthati ॥ 2.6॥
सूर्य, इन्द्र, अग्नि, वायु, चन्द्रमा, यम, वरुण तथा अन्य (देवताओं) के अधिकारों पर वह स्वयं ही अधिकार जमाये बैठा है।
'The offices of Surya, Indra, Agni, Vayu and Chandra, of Yama and of Varuna and the rest, he occupies himself.
2.7 स्वर्गान्निराकृताः सर्वे तेन देवगणा भुवि ।
विचरन्ति यथा मर्त्या महिषेण दुरात्मना ॥ २.७॥
svargānnirākṛtāḥ sarve tena devagaṇā bhuvi ।
vicaranti yathā martyā mahiṣeṇa durātmanā ॥ 2.7॥
svargānnirākritāh sarve tena devaganā bhuvi ।
vicharanti yathā martyā mahishena durātmanā ॥ 2.7॥
उस दुरात्मा महिष द्वारा स्वर्ग से निकाले गये सब देवगण पृथ्वी पर मनुष्यों की भाँति विचर रहे हैं।
Cast out of heaven by that evil-souled Mahisha, the hosts of gods all wander the earth like mortals.
2.8 एतद्वः कथितं सर्वममरारिविचेष्टितम् ।
शरणं वः प्रपन्नाः स्मो वधस्तस्य विचिन्त्यताम् ॥ २.८॥
etadvaḥ kathitaṁ sarvamamarāriviceṣṭitam ।
śaraṇaṁ vaḥ prapannāḥ smo vadhastasya vicintyatām ॥ 2.8॥
etadvah kathitam sarvamamarārivicheshtitam ।
sharanam vah prapannāh smo vadhastasya vichintyatām ॥ 2.8॥
अमर-शत्रु (महिष) की यह सब करतूत आपसे कह दी; हम आपकी शरण आये हैं — उसके वध का (उपाय) सोचा जाये।
All these doings of the foe of the immortals we have told you; we have come to you for refuge — let his slaying be devised.'
2.9 इत्थं निशम्य देवानां वचांसि मधुसूदनः ।
चकार कोपं शम्भुश्च भ्रुकुटीकुटिलाननौ ॥ २.९॥
itthaṁ niśamya devānāṁ vacāṁsi madhusūdanaḥ ।
cakāra kopaṁ śambhuśca bhrukuṭīkuṭilānanau ॥ 2.9॥
ittham nishamya devānām vachāmsi madhusūdanah ।
chakāra kopam shambhushcha bhrukutīkutilānanau ॥ 2.9॥
देवताओं के वचन इस प्रकार सुनकर मधुसूदन (विष्णु) और शम्भु ने क्रोध किया; (दोनों के) मुख टेढ़ी भौंहों से (भर गये)।
Hearing thus the words of the gods, Madhusudana grew wrathful, and Shambhu too — their faces knit with frowning brows.
2.10 ततोऽतिकोपपूर्णस्य चक्रिणो वदनात्ततः ।
निश्चक्राम महत्तेजो ब्रह्मणः शङ्करस्य च ॥ २.१०॥
tato'tikopapūrṇasya cakriṇo vadanāttataḥ ।
niścakrāma mahattejo brahmaṇaḥ śaṅkarasya ca ॥ 2.10॥
tato'tikopapūrnasya chakrino vadanāttatah ।
nishchakrāma mahattejo brahmanah shankarasya cha ॥ 2.10॥
तब अति-कोप से भरे चक्रधारी (विष्णु) के मुख से महान तेज निकला, और ब्रह्मा तथा शंकर के (मुख से) भी।
Then from the face of the discus-bearer, filled with exceeding wrath, came forth a great radiance, and from Brahma's and Shankara's too;
2.11 अन्येषां चैव देवानां शक्रादीनां शरीरतः ।
निर्गतं सुमहत्तेजस्तच्चैक्यं समगच्छत ॥ २.११॥
anyeṣāṁ caiva devānāṁ śakrādīnāṁ śarīrataḥ ।
nirgataṁ sumahattejastaccaikyaṁ samagacchata ॥ 2.11॥
anyeshām chaiva devānām shakrādīnām sharīratah ।
nirgatam sumahattejastachchaikyam samagachchhata ॥ 2.11॥
और शक्र (इन्द्र) आदि अन्य देवताओं के शरीरों से भी अति महान तेज निकला; और वह (सब) एक हो गया।
and from the bodies of the other gods, Shakra and the rest, went forth a very great radiance — and it all became one.
2.12 अतीव तेजसः कूटं ज्वलन्तमिव पर्वतम् ।
ददृशुस्ते सुरास्तत्र ज्वालाव्याप्तदिगन्तरम् ॥ २.१२॥
atīva tejasaḥ kūṭaṁ jvalantamiva parvatam ।
dadṛśuste surāstatra jvālāvyāptadigantaram ॥ 2.12॥
atīva tejasah kūtam jvalantamiva parvatam ।
dadrishuste surāstatra jvālāvyāptadigantaram ॥ 2.12॥
देवताओं ने वहाँ तेज का (वह) अतीव पुंज देखा — जलते पर्वत के समान, जिसकी ज्वालाओं से दिशाओं के अन्तराल व्याप्त थे।
There the gods beheld that surpassing mass of light, like a mountain ablaze, its flames filling the quarters of the sky.
2.13 अतुलं तत्र तत्तेजः सर्वदेवशरीरजम् ।
एकस्थं तदभून्नारी व्याप्तलोकत्रयं त्विषा ॥ २.१३॥
atulaṁ tatra tattejaḥ sarvadevaśarīrajam ।
ekasthaṁ tadabhūnnārī vyāptalokatrayaṁ tviṣā ॥ 2.13॥
atulam tatra tattejah sarvadevasharīrajam ।
ekastham tadabhūnnārī vyāptalokatrayam tvishā ॥ 2.13॥
समस्त देवताओं के शरीरों से उत्पन्न वह अतुल तेज एकत्र होकर नारी (रूप) हो गया और (अपनी) कान्ति से तीनों लोकों में व्याप्त हो गया।
That peerless radiance, born of the bodies of all the gods, gathered into one and became a Woman, pervading the three worlds with her splendour.
2.14 यदभूच्छाम्भवं तेजस्तेनाजायत तन्मुखम् ।
याम्येन चाभवन् केशा बाहवो विष्णुतेजसा ॥ २.१४॥
yadabhūcchāmbhavaṁ tejastenājāyata tanmukham ।
yāmyena cābhavan keśā bāhavo viṣṇutejasā ॥ 2.14॥
yadabhūchchhāmbhavam tejastenājāyata tanmukham ।
yāmyena chābhavan keshā bāhavo vishnutejasā ॥ 2.14॥
जो शिव का तेज था, उससे उस (देवी) का मुख बना; यम के (तेज) से केश हुए और विष्णु के तेज से भुजाएँ।
From the radiance of Shambhu arose her face; from Yama's came her hair, from Vishnu's radiance her arms;
2.15 सौम्येन स्तनयोर्युग्मं मध्यं चैन्द्रेण चाभवत् ।
वारुणेन च जङ्घोरू नितम्बस्तेजसा भुवः ॥ २.१५॥
saumyena stanayoryugmaṁ madhyaṁ caindreṇa cābhavat ।
vāruṇena ca jaṅghorū nitambastejasā bhuvaḥ ॥ 2.15॥
saumyena stanayoryugmam madhyam chaindrena chābhavat ।
vārunena cha janghorū nitambastejasā bhuvah ॥ 2.15॥
चन्द्रमा के (तेज) से दोनों स्तन और इन्द्र के (तेज) से कटि-मध्य बना; वरुण के (तेज) से जंघाएँ और पिण्डलियाँ, तथा पृथ्वी के तेज से नितम्ब।
from the Moon's the pair of her breasts, from Indra's her waist; from Varuna's her thighs and legs, and from Earth's radiance her hips;
2.16 ब्रह्मणस्तेजसा पादौ तदङ्गुल्योऽर्कतेजसा ।
वसूनां च कराङ्गुल्यः कौबेरेण च नासिका ॥ २.१६॥
brahmaṇastejasā pādau tadaṅgulyo'rkatejasā ।
vasūnāṁ ca karāṅgulyaḥ kaubereṇa ca nāsikā ॥ 2.16॥
brahmanastejasā pādau tadangulyo'rkatejasā ।
vasūnām cha karāngulyah kauberena cha nāsikā ॥ 2.16॥
ब्रह्मा के तेज से दोनों चरण, सूर्य के तेज से उनकी उँगलियाँ; वसुओं के (तेज) से हाथों की उँगलियाँ और कुबेर के (तेज) से नासिका (बनी)।
from Brahma's radiance her feet, from the Sun's their toes; from the Vasus' her fingers, from Kubera's her nose;
2.17 तस्यास्तु दन्ताः सम्भूताः प्राजापत्येन तेजसा ।
नयनत्रितयं जज्ञे तथा पावकतेजसा ॥ २.१७॥
tasyāstu dantāḥ sambhūtāḥ prājāpatyena tejasā ।
nayanatritayaṁ jajñe tathā pāvakatejasā ॥ 2.17॥
tasyāstu dantāh sambhūtāh prājāpatyena tejasā ।
nayanatritayam jagye tathā pāvakatejasā ॥ 2.17॥
उस (देवी) के दाँत प्रजापति के तेज से उत्पन्न हुए, और तीनों नेत्र अग्नि के तेज से।
her teeth were formed of Prajapati's radiance, and her three eyes were born of Fire's;
2.18 भ्रुवौ च सन्ध्ययोस्तेजः श्रवणावनिलस्य च ।
अन्येषां चैव देवानां सम्भवस्तेजसां शिवा ॥ २.१८॥
bhruvau ca sandhyayostejaḥ śravaṇāvanilasya ca ।
anyeṣāṁ caiva devānāṁ sambhavastejasāṁ śivā ॥ 2.18॥
bhruvau cha sandhyayostejah shravanāvanilasya cha ।
anyeshām chaiva devānām sambhavastejasām shivā ॥ 2.18॥
दोनों भौहें सन्ध्याओं का तेज (बनीं) और दोनों कान वायु के (तेज से); इसी प्रकार अन्य देवताओं के तेजों से (भी) उस कल्याणी (शिवा) की उत्पत्ति हुई।
her brows were the radiance of the two twilights, her ears of the Wind's; and of the radiances of the other gods as well was the auspicious one born.
2.19 ततः समस्तदेवानां तेजोराशिसमुद्भवाम् ।
तां विलोक्य मुदं प्रापुरमरा महिषार्दिताः ।
ततो देवा ददुस्तस्यै स्वानि स्वान्यायुधानि च ॥ २.१९॥
tataḥ samastadevānāṁ tejorāśisamudbhavām ।
tāṁ vilokya mudaṁ prāpuramarā mahiṣārditāḥ ।
tato devā dadustasyai svāni svānyāyudhāni ca ॥ 2.19॥
tatah samastadevānām tejorāshisamudbhavām ।
tām vilokya mudam prāpuramarā mahishārditāh ।
tato devā dadustasyai svāni svānyāyudhāni cha ॥ 2.19॥
तब समस्त देवताओं के तेज की राशि से उत्पन्न उस (देवी) को देखकर, महिष से पीड़ित अमर (देवता) आनन्दित हुए; और तब देवताओं ने उन्हें अपने-अपने आयुध दिये।
Then, beholding her, sprung from the massed radiance of all the gods, the immortals tormented by Mahisha rejoiced; and the gods gave her each his own weapons.
2.20 शूलं शूलाद्विनिष्कृष्य ददौ तस्यै पिनाकधृक् ।
चक्रं च दत्तवान् कृष्णः समुत्पाट्य स्वचक्रतः ॥ २.२०॥
śūlaṁ śūlādviniṣkṛṣya dadau tasyai pinākadhṛk ।
cakraṁ ca dattavān kṛṣṇaḥ samutpāṭya svacakrataḥ ॥ 2.20॥
shūlam shūlādvinishkrishya dadau tasyai pinākadhrik ।
chakram cha dattavān krishnah samutpātya svachakratah ॥ 2.20॥
पिनाकधारी (शिव) ने (अपने) शूल से शूल निकालकर उन्हें दिया; और कृष्ण (विष्णु) ने अपने चक्र से चक्र उत्पन्न करके दिया।
The bearer of the Pinaka drew forth a trident from his trident and gave it to her; and Krishna gave a discus, plucked from his own discus;
2.21 शङ्खं च वरुणः शक्तिं ददौ तस्यै हुताशनः ।
मारुतो दत्तवांश्चापं बाणपूर्णे तथेषुधी ॥ २.२१॥
śaṅkhaṁ ca varuṇaḥ śaktiṁ dadau tasyai hutāśanaḥ ।
māruto dattavāṁścāpaṁ bāṇapūrṇe tatheṣudhī ॥ 2.21॥
shankham cha varunah shaktim dadau tasyai hutāshanah ।
māruto dattavāmshchāpam bānapūrne tatheshudhī ॥ 2.21॥
वरुण ने उन्हें शंख दिया और हुताशन (अग्नि) ने शक्ति; मारुत (वायु) ने धनुष तथा बाणों से भरे दो तरकश दिये।
Varuna gave her a conch, the Fire a spear; the Wind gave a bow and two quivers full of arrows;
2.22 वज्रमिन्द्रः समुत्पाट्य कुलिशादमराधिपः ।
ददौ तस्यै सहस्राक्षो घण्टामैरावताद्गजात् ॥ २.२२॥
vajramindraḥ samutpāṭya kuliśādamarādhipaḥ ।
dadau tasyai sahasrākṣo ghaṇṭāmairāvatādgajāt ॥ 2.22॥
vajramindrah samutpātya kulishādamarādhipah ।
dadau tasyai sahasrāksho ghantāmairāvatādgajāt ॥ 2.22॥
अमरों के अधिपति सहस्राक्ष इन्द्र ने (अपने) कुलिश से वज्र निकालकर उन्हें दिया, और ऐरावत हाथी से (उतारकर) घण्टा।
Indra, thousand-eyed lord of the immortals, gave her a thunderbolt drawn from his own bolt, and a bell from the elephant Airavata;
2.23 कालदण्डाद्यमो दण्डं पाशं चाम्बुपतिर्ददौ ।
प्रजापतिश्चाक्षमालां ददौ ब्रह्मा कमण्डलुम् ॥ २.२३॥
kāladaṇḍādyamo daṇḍaṁ pāśaṁ cāmbupatirdadau ।
prajāpatiścākṣamālāṁ dadau brahmā kamaṇḍalum ॥ 2.23॥
kāladandādyamo dandam pāsham chāmbupatirdadau ।
prajāpatishchākshamālām dadau brahmā kamandalum ॥ 2.23॥
यम ने (अपने) कालदण्ड से दण्ड दिया और जल के स्वामी (वरुण) ने पाश; प्रजापति ने अक्षमाला दी और ब्रह्मा ने कमण्डलु।
Yama gave a staff from his Staff of Time, the Lord of waters a noose; Prajapati gave a rosary, and Brahma a water-pot;
2.24 समस्तरोमकूपेषु निजरश्मीन् दिवाकरः ।
कालश्च दत्तवान् खड्गं तस्यै चर्म च निर्मलम् ॥ २.२४॥
samastaromakūpeṣu nijaraśmīn divākaraḥ ।
kālaśca dattavān khaḍgaṁ tasyai carma ca nirmalam ॥ 2.24॥
samastaromakūpeshu nijarashmīn divākarah ।
kālashcha dattavān khadgam tasyai charma cha nirmalam ॥ 2.24॥
दिवाकर (सूर्य) ने (उनके) समस्त रोमकूपों में अपनी किरणें (भर दीं); और काल ने उन्हें खड्ग तथा निर्मल ढाल दी।
the Day-maker set his own rays in all the pores of her skin; and Time gave her a sword and a spotless shield.
2.25 क्षीरोदश्चामलं हारमजरे च तथाम्बरे ।
चूडामणिं तथा दिव्यं कुण्डले कटकानि च ॥ २.२५॥
kṣīrodaścāmalaṁ hāramajare ca tathāmbare ।
cūḍāmaṇiṁ tathā divyaṁ kuṇḍale kaṭakāni ca ॥ 2.25॥
kshīrodashchāmalam hāramajare cha tathāmbare ।
chūdāmanim tathā divyam kundale katakāni cha ॥ 2.25॥
क्षीरसागर ने निर्मल हार और दो अजर (कभी जीर्ण न होने वाले) वस्त्र दिये; तथा दिव्य चूड़ामणि, दो कुण्डल और कंकण,
The Ocean of Milk gave a spotless necklace and a pair of unageing garments, a divine crest-jewel, earrings and bracelets,
2.26 अर्धचन्द्रं तथा शुभ्रं केयूरान् सर्वबाहुषु ।
नूपुरौ विमलौ तद्वद् ग्रैवेयकमनुत्तमम् ॥ २.२६॥
ardhacandraṁ tathā śubhraṁ keyūrān sarvabāhuṣu ।
nūpurau vimalau tadvad graiveyakamanuttamam ॥ 2.26॥
ardhachandram tathā shubhram keyūrān sarvabāhushu ।
nūpurau vimalau tadvad graiveyakamanuttamam ॥ 2.26॥
वैसे ही शुभ्र अर्धचन्द्र (आभूषण), सब भुजाओं के लिए केयूर, दो निर्मल नूपुर और सर्वोत्तम ग्रैवेयक (कण्ठाभूषण),
a bright half-moon ornament, armlets for all her arms, a pair of shining anklets, and a peerless neck-ornament,
2.27 अङ्गुलीयकरत्नानि समस्तास्वङ्गुलीषु च ।
विश्वकर्मा ददौ तस्यै परशुं चातिनिर्मलम् ॥ २.२७॥
aṅgulīyakaratnāni samastāsvaṅgulīṣu ca ।
viśvakarmā dadau tasyai paraśuṁ cātinirmalam ॥ 2.27॥
angulīyakaratnāni samastāsvangulīshu cha ।
vishvakarmā dadau tasyai parashum chātinirmalam ॥ 2.27॥
तथा समस्त उँगलियों के लिए रत्नजड़ित अँगूठियाँ। विश्वकर्मा ने उन्हें अत्यन्त निर्मल परशु दिया,
and jewelled rings for all her fingers. Vishvakarma gave her a stainless axe,
2.28 अस्त्राण्यनेकरूपाणि तथाभेद्यं च दंशनम् ।
अम्लानपङ्कजां मालां शिरस्युरसि चापराम् ॥ २.२८॥
astrāṇyanekarūpāṇi tathābhedyaṁ ca daṁśanam ।
amlānapaṅkajāṁ mālāṁ śirasyurasi cāparām ॥ 2.28॥
astrānyanekarūpāni tathābhedyam cha damshanam ।
amlānapankajām mālām shirasyurasi chāparām ॥ 2.28॥
अनेक रूपों के अस्त्र तथा अभेद्य कवच; और मस्तक तथा वक्ष पर (धारण के लिए) कभी न कुम्हलाने वाले कमलों की एक-एक माला।
weapons of many forms and impenetrable armour; and (the Ocean gave) garlands of unfading lotuses for her head and for her breast,
2.29 अददज्जलधिस्तस्यै पङ्कजं चातिशोभनम् ।
हिमवान् वाहनं सिंहं रत्नानि विविधानि च ॥ २.२९॥
adadajjaladhistasyai paṅkajaṁ cātiśobhanam ।
himavān vāhanaṁ siṁhaṁ ratnāni vividhāni ca ॥ 2.29॥
adadajjaladhistasyai pankajam chātishobhanam ।
himavān vāhanam simham ratnāni vividhāni cha ॥ 2.29॥
जलधि (समुद्र) ने उन्हें अति-शोभन कमल (भी) दिया। हिमवान ने वाहन के लिए सिंह और विविध रत्न दिये।
and a lotus of exceeding beauty besides. Himavan gave a lion to ride, and gems of many kinds.
2.30 ददावशून्यं सुरया पानपात्रं धनाधिपः ।
शेषश्च सर्वनागेशो महामणिविभूषितम् ॥ २.३०॥
dadāvaśūnyaṁ surayā pānapātraṁ dhanādhipaḥ ।
śeṣaśca sarvanāgeśo mahāmaṇivibhūṣitam ॥ 2.30॥
dadāvashūnyam surayā pānapātram dhanādhipah ।
sheshashcha sarvanāgesho mahāmanivibhūshitam ॥ 2.30॥
धन के अधिपति (कुबेर) ने सुरा से (कभी) रिक्त न होने वाला पानपात्र दिया; और समस्त नागों के ईश शेष ने, महामणियों से विभूषित —
The Lord of wealth gave a drinking-cup never empty of wine; and Shesha, lord of all serpents, who bears this earth,
2.31 नागहारं ददौ तस्यै धत्ते यः पृथिवीमिमाम् ।
अन्यैरपि सुरैर्देवी भूषणैरायुधैस्तथा ॥ २.३१॥
nāgahāraṁ dadau tasyai dhatte yaḥ pṛthivīmimām ।
anyairapi surairdevī bhūṣaṇairāyudhaistathā ॥ 2.31॥
nāgahāram dadau tasyai dhatte yah prithivīmimām ।
anyairapi surairdevī bhūshanairāyudhaistathā ॥ 2.31॥
नागहार उन्हें दिया — (वे शेष) जो इस पृथ्वी को धारण करते हैं। अन्य देवताओं ने भी आभूषणों तथा आयुधों से देवी (का सम्मान किया)।
gave her a serpent-necklace adorned with great jewels. By the other gods too the Goddess was honoured with ornaments and weapons.
2.32 सम्मानिता ननादोच्चैः साट्टहासं मुहुर्मुहुः ।
तस्या नादेन घोरेण कृत्स्नमापूरितं नभः ॥ २.३२॥
sammānitā nanādoccaiḥ sāṭṭahāsaṁ muhurmuhuḥ ।
tasyā nādena ghoreṇa kṛtsnamāpūritaṁ nabhaḥ ॥ 2.32॥
sammānitā nanādochchaih sāttahāsam muhurmuhuh ।
tasyā nādena ghorena kritsnamāpūritam nabhah ॥ 2.32॥
सम्मानित होकर वे बार-बार अट्टहासपूर्वक उच्च स्वर में गरजीं; उनके (उस) घोर नाद से सम्पूर्ण आकाश भर गया।
Thus honoured, she roared aloud with peals of laughter again and again; by her terrible cry the whole sky was filled.
2.33 अमायतातिमहता प्रतिशब्दो महानभूत् ।
चुक्षुभुः सकला लोकाः समुद्राश्च चकम्पिरे ॥ २.३३॥
amāyatātimahatā pratiśabdo mahānabhūt ।
cukṣubhuḥ sakalā lokāḥ samudrāśca cakampire ॥ 2.33॥
amāyatātimahatā pratishabdo mahānabhūt ।
chukshubhuh sakalā lokāh samudrāshcha chakampire ॥ 2.33॥
(उस) अपार और अति-महान (नाद) से बड़ी प्रतिध्वनि हुई; समस्त लोक क्षुब्ध हो उठे और समुद्र काँप गये।
From that boundless, mighty cry a great echo arose; all the worlds shook, and the seas trembled.
2.34 चचाल वसुधा चेलुः सकलाश्च महीधराः ।
जयेति देवाश्च मुदा तामूचुः सिंहवाहिनीम् ॥ २.३४॥
cacāla vasudhā celuḥ sakalāśca mahīdharāḥ ।
jayeti devāśca mudā tāmūcuḥ siṁhavāhinīm ॥ 2.34॥
chachāla vasudhā cheluh sakalāshcha mahīdharāh ।
jayeti devāshcha mudā tāmūchuh simhavāhinīm ॥ 2.34॥
पृथ्वी हिल गयी और समस्त पर्वत डोल उठे; और देवताओं ने प्रसन्न होकर उन सिंहवाहिनी से 'जय हो!' कहा।
The earth rocked, and all the mountains swayed; and the gods in their joy cried 'Victory!' to her who rides the lion.
2.35 तुष्टुवुर्मुनयश्चैनां भक्तिनम्रात्ममूर्तयः ।
दृष्ट्वा समस्तं सङ्क्षुब्धं त्रैलोक्यममरारयः ॥ २.३५॥
tuṣṭuvurmunayaścaināṁ bhaktinamrātmamūrtayaḥ ।
dṛṣṭvā samastaṁ saṅkṣubdhaṁ trailokyamamarārayaḥ ॥ 2.35॥
tushtuvurmunayashchainām bhaktinamrātmamūrtayah ।
drishtvā samastam sankshubdham trailokyamamarārayah ॥ 2.35॥
भक्ति से विनम्र शरीर वाले मुनियों ने उनकी स्तुति की। समस्त त्रैलोक्य को क्षुब्ध देखकर अमर-शत्रु (असुर)
The sages, their forms bowed in devotion, hymned her. Seeing the whole three worlds in upheaval, the foes of the immortals
2.36 सन्नद्धाखिलसैन्यास्ते समुत्तस्थुरुदायुधाः ।
आः किमेतदिति क्रोधादाभाष्य महिषासुरः ॥ २.३६॥
sannaddhākhilasainyāste samuttasthurudāyudhāḥ ।
āḥ kimetaditi krodhādābhāṣya mahiṣāsuraḥ ॥ 2.36॥
sannaddhākhilasainyāste samuttasthurudāyudhāh ।
āh kimetaditi krodhādābhāshya mahishāsurah ॥ 2.36॥
अपनी सम्पूर्ण सेनाएँ कसकर, हथियार उठाये उठ खड़े हुए। 'आः! यह क्या है?' — ऐसा क्रोध से कहकर महिषासुर
rose up with all their armies harnessed, weapons aloft. 'Ah! What is this?' cried Mahishasura in fury,
2.37 अभ्यधावत तं शब्दमशेषैरसुरैर्वृतः ।
स ददर्श ततो देवीं व्याप्तलोकत्रयां त्विषा ॥ २.३७॥
abhyadhāvata taṁ śabdamaśeṣairasurairvṛtaḥ ।
sa dadarśa tato devīṁ vyāptalokatrayāṁ tviṣā ॥ 2.37॥
abhyadhāvata tam shabdamasheshairasurairvritah ।
sa dadarsha tato devīm vyāptalokatrayām tvishā ॥ 2.37॥
और समस्त असुरों से घिरा हुआ उस शब्द की ओर दौड़ा। तब उसने देवी को देखा — (अपनी) कान्ति से तीनों लोकों को व्याप्त किये हुए,
and rushed toward that sound, ringed by all his asuras. Then he beheld the Goddess, pervading the three worlds with her radiance —
2.38 पादाक्रान्त्या नतभुवं किरीटोल्लिखिताम्बराम् ।
क्षोभिताशेषपातालां धनुर्ज्यानिःस्वनेन ताम् ॥ २.३८॥
pādākrāntyā natabhuvaṁ kirīṭollikhitāmbarām ।
kṣobhitāśeṣapātālāṁ dhanurjyāniḥsvanena tām ॥ 2.38॥
pādākrāntyā natabhuvam kirītollikhitāmbarām ।
kshobhitāsheshapātālām dhanurjyānihsvanena tām ॥ 2.38॥
चरणों के दबाव से पृथ्वी को झुकाती, किरीट से आकाश को खरोंचती (छूती), और धनुष की टंकार से समस्त पाताल को क्षुब्ध करती हुई;
bending the earth under the tread of her feet, grazing the sky with her crown, shaking the whole netherworld with the twang of her bowstring,
2.39 दिशो भुजसहस्रेण समन्ताद्व्याप्य संस्थिताम् ।
ततः प्रववृते युद्धं तया देव्या सुरद्विषाम् ॥ २.३९॥
diśo bhujasahasreṇa samantādvyāpya saṁsthitām ।
tataḥ pravavṛte yuddhaṁ tayā devyā suradviṣām ॥ 2.39॥
disho bhujasahasrena samantādvyāpya samsthitām ।
tatah pravavrite yuddham tayā devyā suradvishām ॥ 2.39॥
और (अपनी) सहस्र भुजाओं से दिशाओं को सब ओर से व्याप्त करके स्थित। तब उन देवी के साथ देव-शत्रुओं का युद्ध आरम्भ हुआ,
standing with her thousand arms filling the quarters on every side. Then battle was joined between that Goddess and the enemies of the gods,
2.40 शस्त्रास्त्रैर्बहुधा मुक्तैरादीपितदिगन्तरम् ।
महिषासुरसेनानीश्चिक्षुराख्यो महासुरः ॥ २.४०॥
śastrāstrairbahudhā muktairādīpitadigantaram ।
mahiṣāsurasenānīścikṣurākhyo mahāsuraḥ ॥ 2.40॥
shastrāstrairbahudhā muktairādīpitadigantaram ।
mahishāsurasenānīshchikshurākhyo mahāsurah ॥ 2.40॥
(जिसमें) अनेक प्रकार से छोड़े गये शस्त्रों-अस्त्रों से दिशाओं के अन्तराल प्रकाशित हो उठे। महिषासुर का सेनापति चिक्षुर नामक महासुर
the quarters of the sky lit up by weapons and missiles loosed in every fashion. Mahishasura's general, the great asura named Chikshura,
2.41 युयुधे चामरश्चान्यैश्चतुरङ्गबलान्वितः ।
रथानामयुतैः षड्भिरुदग्राख्यो महासुरः ॥ २.४१॥
yuyudhe cāmaraścānyaiścaturaṅgabalānvitaḥ ।
rathānāmayutaiḥ ṣaḍbhirudagrākhyo mahāsuraḥ ॥ 2.41॥
yuyudhe chāmarashchānyaishchaturangabalānvitah ।
rathānāmayutaih shadbhirudagrākhyo mahāsurah ॥ 2.41॥
(देवी से) लड़ा, और चामर (भी) अन्य (असुरों) सहित चतुरंगिणी सेना से युक्त (होकर लड़ा)। साठ हजार (छह अयुत) रथों के साथ उदग्र नामक महासुर
fought; and Chamara, attended by his fourfold host, with others. The great asura called Udagra fought with sixty thousand chariots,
2.42 अयुध्यतायुतानां च सहस्रेण महाहनुः ।
पञ्चाशद्भिश्च नियुतैरसिलोमा महासुरः ॥ २.४२॥
ayudhyatāyutānāṁ ca sahasreṇa mahāhanuḥ ।
pañcāśadbhiśca niyutairasilomā mahāsuraḥ ॥ 2.42॥
ayudhyatāyutānām cha sahasrena mahāhanuh ।
panchāshadbhishcha niyutairasilomā mahāsurah ॥ 2.42॥
लड़ा; और महाहनु एक सहस्र अयुत (एक करोड़ रथों) के साथ। पचास नियुत के साथ असिलोमा महासुर,
and Mahahanu battled with a thousand myriads; the great asura Asiloma with fifty millions,
2.43 अयुतानां शतैः षड्भिर्बाष्कलो युयुधे रणे ।
गजवाजिसहस्रौघैरनेकैः परिवारितः ॥ २.४३॥
ayutānāṁ śataiḥ ṣaḍbhirbāṣkalo yuyudhe raṇe ।
gajavājisahasraughairanekaiḥ parivāritaḥ ॥ 2.43॥
ayutānām shataih shadbhirbāshkalo yuyudhe rane ।
gajavājisahasraughairanekaih parivāritah ॥ 2.43॥
और बाष्कल छह सौ अयुत (साठ लाख) के साथ रण में लड़ा। अनेक सहस्र हाथियों और घोड़ों के समूहों से घिरा हुआ,
and Bashkala fought in the fray with six hundred myriads. Ringed by many thousands of troops of elephants and horses,
2.44 वृतो रथानां कोट्या च युद्धे तस्मिन्नयुध्यत ।
बिडालाख्योऽयुतानां च पञ्चाशद्भिरथायुतैः ॥ २.४४॥
vṛto rathānāṁ koṭyā ca yuddhe tasminnayudhyata ।
biḍālākhyo'yutānāṁ ca pañcāśadbhirathāyutaiḥ ॥ 2.44॥
vrito rathānām kotyā cha yuddhe tasminnayudhyata ।
bidālākhyo'yutānām cha panchāshadbhirathāyutaih ॥ 2.44॥
तथा एक करोड़ रथों से घिरा हुआ (परिवारित नामक असुर) उस युद्ध में लड़ा। और बिडाल नामक (महासुर) पाँच सौ अयुत (पचास लाख) रथों
and girt with a crore of chariots, (Parivarita) fought in that battle; and the one named Bidala, with five hundred myriads of chariots,
2.45 युयुधे संयुगे तत्र रथानां परिवारितः ।
अन्ये च तत्रायुतशो रथनागहयैर्वृताः ॥ २.४५॥
yuyudhe saṁyuge tatra rathānāṁ parivāritaḥ ।
anye ca tatrāyutaśo rathanāgahayairvṛtāḥ ॥ 2.45॥
yuyudhe samyuge tatra rathānām parivāritah ।
anye cha tatrāyutasho rathanāgahayairvritāh ॥ 2.45॥
से घिरा हुआ वहाँ संग्राम में लड़ा। और दूसरे (महासुर) भी वहाँ अयुतों (दसियों हज़ार) रथों, हाथियों और घोड़ों से घिरे हुए,
fought there in the conflict. And others there, surrounded by myriads of chariots, elephants and horses,
2.46 युयुधुः संयुगे देव्या सह तत्र महासुराः ।
कोटिकोटिसहस्रैस्तु रथानां दन्तिनां तथा ॥ २.४६॥
yuyudhuḥ saṁyuge devyā saha tatra mahāsurāḥ ।
koṭikoṭisahasraistu rathānāṁ dantināṁ tathā ॥ 2.46॥
yuyudhuh samyuge devyā saha tatra mahāsurāh ।
kotikotisahasraistu rathānām dantinām tathā ॥ 2.46॥
वहाँ संग्राम में देवी के साथ लड़े। कोटि-कोटि सहस्र रथों और हाथियों
battled with the Goddess in that fight. With thousands of crores upon crores of chariots and elephants
2.47 हयानां च वृतो युद्धे तत्राभून्महिषासुरः ।
तोमरैर्भिन्दिपालैश्च शक्तिभिर्मुसलैस्तथा ॥ २.४७॥
hayānāṁ ca vṛto yuddhe tatrābhūnmahiṣāsuraḥ ।
tomarairbhindipālaiśca śaktibhirmusalaistathā ॥ 2.47॥
hayānām cha vrito yuddhe tatrābhūnmahishāsurah ।
tomarairbhindipālaishcha shaktibhirmusalaistathā ॥ 2.47॥
और घोड़ों से घिरा हुआ महिषासुर (स्वयं) उस युद्ध में (खड़ा) था। तोमरों और भिन्दिपालों से, शक्तियों और मूसलों से,
and horses was Mahishasura himself ringed in that battle. With lances and iron clubs, with spears and pestles,
2.48 युयुधुः संयुगे देव्या खड्गैः परशुपट्टिशैः ।
केचिच्च चिक्षिपुः शक्तीः केचित् पाशांस्तथापरे ॥ २.४८॥
yuyudhuḥ saṁyuge devyā khaḍgaiḥ paraśupaṭṭiśaiḥ ।
kecicca cikṣipuḥ śaktīḥ kecit pāśāṁstathāpare ॥ 2.48॥
yuyudhuh samyuge devyā khadgaih parashupattishaih ।
kechichcha chikshipuh shaktīh kechit pāshāmstathāpare ॥ 2.48॥
खड्गों, परशुओं और पट्टिशों से (वे) संग्राम में देवी से लड़े। कुछ ने (उन पर) शक्तियाँ फेंकीं, कुछ ने पाश, और वैसे ही दूसरे —
with swords, axes and sharp-edged pattishas they fought the Goddess in the fray. Some hurled spears at her, and some nooses;
2.49 देवीं खड्गप्रहारैस्तु ते तां हन्तुं प्रचक्रमुः ।
सापि देवी ततस्तानि शस्त्राण्यस्त्राणि चण्डिका ॥ २.४९॥
devīṁ khaḍgaprahāraistu te tāṁ hantuṁ pracakramuḥ ।
sāpi devī tatastāni śastrāṇyastrāṇi caṇḍikā ॥ 2.49॥
devīm khadgaprahāraistu te tām hantum prachakramuh ।
sāpi devī tatastāni shastrānyastrāni chandikā ॥ 2.49॥
और वे खड्ग-प्रहारों से उन देवी का वध करने में प्रवृत्त हुए। (पर) वे देवी चण्डिका भी तब उन (सब) शस्त्रों-अस्त्रों को,
and they set about to slay the Goddess with sword-strokes. But she, the Goddess Chandika, those weapons and missiles
2.50 लीलयैव प्रचिच्छेद निजशस्त्रास्त्रवर्षिणी ।
अनायस्तानना देवी स्तूयमाना सुरर्षिभिः ॥ २.५०॥
līlayaiva praciccheda nijaśastrāstravarṣiṇī ।
anāyastānanā devī stūyamānā surarṣibhiḥ ॥ 2.50॥
līlayaiva prachichchheda nijashastrāstravarshinī ।
anāyastānanā devī stūyamānā surarshibhih ॥ 2.50॥
अपने शस्त्रास्त्रों की वर्षा करती हुई, खेल-खेल में ही काटती गयीं। (उनके) मुख पर श्रम (का चिह्न तक) नहीं था; देवता और ऋषि उन देवी की स्तुति करते रहे,
cut down as in mere play, raining her own weapons and missiles. Her face unwearied, the Goddess — hymned by gods and seers —
2.51 मुमोचासुरदेहेषु शस्त्राण्यस्त्राणि चेश्वरी ।
सोऽपि क्रुद्धो धुतसटो देव्या वाहनकेसरी ॥ २.५१॥
mumocāsuradeheṣu śastrāṇyastrāṇi ceśvarī ।
so'pi kruddho dhutasaṭo devyā vāhanakesarī ॥ 2.51॥
mumochāsuradeheshu shastrānyastrāni cheshvarī ।
so'pi kruddho dhutasato devyā vāhanakesarī ॥ 2.51॥
और (वे) ईश्वरी असुरों के शरीरों पर शस्त्र-अस्त्र छोड़ती रहीं। देवी का वाहन सिंह भी क्रुद्ध होकर, अयाल हिलाता हुआ,
loosed her weapons and missiles upon the bodies of the asuras. And the lion that bore the Goddess, enraged, shaking his mane,
2.52 चचारासुरसैन्येषु वनेष्विव हुताशनः ।
निःश्वासान् मुमुचे यांश्च युध्यमाना रणेऽम्बिका ॥ २.५२॥
cacārāsurasainyeṣu vaneṣviva hutāśanaḥ ।
niḥśvāsān mumuce yāṁśca yudhyamānā raṇe'mbikā ॥ 2.52॥
chachārāsurasainyeshu vaneshviva hutāshanah ।
nihshvāsān mumuche yāmshcha yudhyamānā rane'mbikā ॥ 2.52॥
असुर-सेनाओं में ऐसे विचरने लगा जैसे वनों में अग्नि। और रण में युद्ध करती हुई अम्बिका ने जो (जितनी) साँसें छोड़ीं,
stalked through the demon armies like fire through forests. And the breaths that Ambika sighed forth as she fought in the fray
2.53 त एव सद्यः सम्भूता गणाः शतसहस्रशः ।
युयुधुस्ते परशुभिर्भिन्दिपालासिपट्टिशैः ॥ २.५३॥
ta eva sadyaḥ sambhūtā gaṇāḥ śatasahasraśaḥ ।
yuyudhuste paraśubhirbhindipālāsipaṭṭiśaiḥ ॥ 2.53॥
ta eva sadyah sambhūtā ganāh shatasahasrashah ।
yuyudhuste parashubhirbhindipālāsipattishaih ॥ 2.53॥
वे ही तत्काल सैकड़ों-हजारों गण बन गयीं; वे (गण) परशुओं, भिन्दिपालों, खड्गों और पट्टिशों से लड़ने लगे,
became at once her hosts by hundreds and thousands; they fought on with axes, javelins, swords and pattishas,
2.54 नाशयन्तोऽसुरगणान् देवीशक्त्युपबृंहिताः ।
अवादयन्त पटहान् गणाः शङ्खांस्तथापरे ॥ २.५४॥
nāśayanto'suragaṇān devīśaktyupabṛṁhitāḥ ।
avādayanta paṭahān gaṇāḥ śaṅkhāṁstathāpare ॥ 2.54॥
nāshayanto'suraganān devīshaktyupabrimhitāh ।
avādayanta patahān ganāh shankhāmstathāpare ॥ 2.54॥
देवी की शक्ति से बढ़े हुए (वे) असुर-गणों का नाश करते रहे। (कुछ) गणों ने नगाड़े बजाये और दूसरों ने शंख,
destroying the asura hosts, swelled by the Goddess's power. Some of the hosts beat drums, others blew conches,
2.55 मृदङ्गांश्च तथैवान्ये तस्मिन् युद्धमहोत्सवे ।
ततो देवी त्रिशूलेन गदया शक्तिवृष्टिभिः ॥ २.५५॥
mṛdaṅgāṁśca tathaivānye tasmin yuddhamahotsave ।
tato devī triśūlena gadayā śaktivṛṣṭibhiḥ ॥ 2.55॥
mridangāmshcha tathaivānye tasmin yuddhamahotsave ।
tato devī trishūlena gadayā shaktivrishtibhih ॥ 2.55॥
और वैसे ही दूसरों ने मृदंग — उस युद्ध-महोत्सव में। तब देवी ने त्रिशूल से, गदा से, शक्तियों की वर्षा से,
and others sounded tabors in that great festival of battle. Then the Goddess with her trident, her mace, with showers of spears
2.56 खड्गादिभिश्च शतशो निजघान महासुरान् ।
पातयामास चैवान्यान् घण्टास्वनविमोहितान् ॥ २.५६॥
khaḍgādibhiśca śataśo nijaghāna mahāsurān ।
pātayāmāsa caivānyān ghaṇṭāsvanavimohitān ॥ 2.56॥
khadgādibhishcha shatasho nijaghāna mahāsurān ।
pātayāmāsa chaivānyān ghantāsvanavimohitān ॥ 2.56॥
और खड्ग आदि से सैकड़ों महासुरों का संहार किया; और घण्टे की ध्वनि से विमोहित (हुए) अन्यों को (भी) गिरा दिया।
and with sword and the rest, slew the great asuras by the hundred; and felled others besides, dazed by the clangour of her bell.
2.57 असुरान् भुवि पाशेन बद्ध्वा चान्यानकर्षयत् ।
केचिद् द्विधाकृतास्तीक्ष्णैः खड्गपातैस्तथापरे ॥ २.५७॥
asurān bhuvi pāśena baddhvā cānyānakarṣayat ।
kecid dvidhākṛtāstīkṣṇaiḥ khaḍgapātaistathāpare ॥ 2.57॥
asurān bhuvi pāshena baddhvā chānyānakarshayat ।
kechid dvidhākritāstīkshnaih khadgapātaistathāpare ॥ 2.57॥
(कितने ही) असुरों को पाश से बाँधकर उसने पृथ्वी पर घसीटा। कुछ तीखे खड्ग-प्रहारों से दो टुकड़े कर दिये गये, और दूसरे
Binding other asuras with her noose, she dragged them along the ground. Some were cleft in two by keen sword-strokes; others,
2.58 विपोथिता निपातेन गदया भुवि शेरते ।
वेमुश्च केचिद्रुधिरं मुसलेन भृशं हताः ॥ २.५८॥
vipothitā nipātena gadayā bhuvi śerate ।
vemuśca kecidrudhiraṁ musalena bhṛśaṁ hatāḥ ॥ 2.58॥
vipothitā nipātena gadayā bhuvi sherate ।
vemushcha kechidrudhiram musalena bhrisham hatāh ॥ 2.58॥
गदा के आघात से कुचले जाकर भूमि पर सो गये (पड़े रहे); और कुछ मूसल से अत्यन्त आहत होकर रक्त वमन करने लगे।
crushed by the fall of her mace, lay strewn upon the earth; and some, struck hard by the pestle, vomited blood.
2.59 केचिन्निपतिता भूमौ भिन्नाः शूलेन वक्षसि ।
निरन्तराः शरौघेण कृताः केचिद्रणाजिरे ॥ २.५९॥
kecinnipatitā bhūmau bhinnāḥ śūlena vakṣasi ।
nirantarāḥ śaraugheṇa kṛtāḥ kecidraṇājire ॥ 2.59॥
kechinnipatitā bhūmau bhinnāh shūlena vakshasi ।
nirantarāh sharaughena kritāh kechidranājire ॥ 2.59॥
कुछ, छाती में शूल से विदीर्ण होकर, भूमि पर गिर पड़े। कुछ रणभूमि में बाणों की झड़ी से निरन्तर (बिंधे हुए) कर दिये गये;
Some fell to the ground, their breasts split by the trident; some on the field of battle were made one mass of wounds by the torrent of arrows;
2.60 श्येनानुकारिणः प्राणान् मुमुचुस्त्रिदशार्दनाः ।
केषाञ्चिद् बाहवश्छिन्नाश्छिन्नग्रीवास्तथापरे ॥ २.६०॥
śyenānukāriṇaḥ prāṇān mumucustridaśārdanāḥ ।
keṣāñcid bāhavaśchinnāśchinnagrīvāstathāpare ॥ 2.60॥
shyenānukārinah prānān mumuchustridashārdanāh ।
keshānchid bāhavashchhinnāshchhinnagrīvāstathāpare ॥ 2.60॥
(और वे) त्रिदश-पीड़क (असुर), बाज पक्षी का-सा (झपट्टा) अनुकरण करते हुए, प्राण छोड़ने लगे। किन्हीं की भुजाएँ कट गयीं, और दूसरे कटी ग्रीवाओं वाले (हो गये);
and those tormentors of the gods, swooping hawk-like, gave up their lives. Of some the arms were severed, others had their necks cut through;
2.61 शिरांसि पेतुरन्येषामन्ये मध्ये विदारिताः ।
विच्छिन्नजङ्घास्त्वपरे पेतुरुर्व्यां महासुराः ॥ २.६१॥
śirāṁsi peturanyeṣāmanye madhye vidāritāḥ ।
vicchinnajaṅghāstvapare petururvyāṁ mahāsurāḥ ॥ 2.61॥
shirāmsi peturanyeshāmanye madhye vidāritāh ।
vichchhinnajanghāstvapare petururvyām mahāsurāh ॥ 2.61॥
अन्यों के सिर गिर पड़े, (तो) दूसरे बीच से विदीर्ण कर दिये गये; और (कितने ही) महासुर जंघाएँ कट जाने से पृथ्वी पर गिर पड़े।
the heads of others fell, others were torn through the middle; and other great asuras, their legs hewn off, dropped to the earth.
2.62 एकबाह्वक्षिचरणाः केचिद्देव्या द्विधाकृताः ।
छिन्नेऽपि चान्ये शिरसि पतिताः पुनरुत्थिताः ॥ २.६२॥
ekabāhvakṣicaraṇāḥ keciddevyā dvidhākṛtāḥ ।
chinne'pi cānye śirasi patitāḥ punarutthitāḥ ॥ 2.62॥
ekabāhvakshicharanāh kechiddevyā dvidhākritāh ।
chhinne'pi chānye shirasi patitāh punarutthitāh ॥ 2.62॥
कुछ देवी के द्वारा दो खण्ड किये जाने से एक भुजा, एक नेत्र और एक चरण वाले (रह गये); और दूसरे, सिर कट जाने पर भी, गिरकर फिर उठ खड़े हुए।
Some, cloven in two by the Goddess, were left with single arm, eye and foot; and others, though beheaded, fell and rose again.
2.63 कबन्धा युयुधुर्देव्या गृहीतपरमायुधाः ।
ननृतुश्चापरे तत्र युद्धे तूर्यलयाश्रिताः ॥ २.६३॥
kabandhā yuyudhurdevyā gṛhītaparamāyudhāḥ ।
nanṛtuścāpare tatra yuddhe tūryalayāśritāḥ ॥ 2.63॥
kabandhā yuyudhurdevyā grihītaparamāyudhāh ।
nanritushchāpare tatra yuddhe tūryalayāshritāh ॥ 2.63॥
(वे) कबन्ध (धड़) उत्तम आयुध थामे देवी से लड़ते रहे; और दूसरे (कबन्ध) वहाँ युद्ध में वाद्यों की लय पर नाचने लगे।
Headless trunks, gripping the best of weapons, fought on with the Goddess; and others of them danced there in the battle, keeping time to the music.
2.64 कबन्धाश्छिन्नशिरसः खड्गशक्त्यृष्टिपाणयः ।
तिष्ठ तिष्ठेति भाषन्तो देवीमन्ये महासुराः ॥ २.६४॥
kabandhāśchinnaśirasaḥ khaḍgaśaktyṛṣṭipāṇayaḥ ।
tiṣṭha tiṣṭheti bhāṣanto devīmanye mahāsurāḥ ॥ 2.64॥
kabandhāshchhinnashirasah khadgashaktyrishtipānayah ।
tishtha tishtheti bhāshanto devīmanye mahāsurāh ॥ 2.64॥
सिर कटे कबन्ध, खड्ग, शक्ति और ऋष्टि हाथों में लिये (दौड़ते रहे); और दूसरे महासुर देवी से 'ठहर! ठहर!' — यह कहते रहे।
Trunks with severed heads, swords, spears and lances in hand, (rushed on); and other great asuras kept crying to the Goddess, 'Stand! Stand!'
2.65 पातितै रथनागाश्वैरसुरैश्च वसुन्धरा ।
अगम्या साभवत्तत्र यत्राभूत् स महारणः ॥ २.६५॥
pātitai rathanāgāśvairasuraiśca vasundharā ।
agamyā sābhavattatra yatrābhūt sa mahāraṇaḥ ॥ 2.65॥
pātitai rathanāgāshvairasuraishcha vasundharā ।
agamyā sābhavattatra yatrābhūt sa mahāranah ॥ 2.65॥
गिराये गये रथों, हाथियों, घोड़ों और असुरों से वह वसुन्धरा वहाँ अगम्य (दुर्गम) हो गयी, जहाँ वह महारण हुआ था।
With fallen chariots, elephants, horses and asuras, the earth became impassable there where that great battle was fought.
2.66 शोणितौघा महानद्यः सद्यस्तत्र प्रसुस्रुवुः ।
मध्ये चासुरसैन्यस्य वारणासुरवाजिनाम् ॥ २.६६॥
śoṇitaughā mahānadyaḥ sadyastatra prasusruvuḥ ।
madhye cāsurasainyasya vāraṇāsuravājinām ॥ 2.66॥
shonitaughā mahānadyah sadyastatra prasusruvuh ।
madhye chāsurasainyasya vāranāsuravājinām ॥ 2.66॥
वहाँ असुर-सेना के बीच, हाथियों, असुरों और घोड़ों के रक्त-प्रवाहों की बड़ी-बड़ी नदियाँ तत्क्षण बह चलीं।
Great rivers of streaming blood — of elephants, asuras and horses — at once flowed forth there through the midst of the demon army.
2.67 क्षणेन तन्महासैन्यमसुराणां तथाम्बिका ।
निन्ये क्षयं यथा वह्निस्तृणदारुमहाचयम् ॥ २.६७॥
kṣaṇena tanmahāsainyamasurāṇāṁ tathāmbikā ।
ninye kṣayaṁ yathā vahnistṛṇadārumahācayam ॥ 2.67॥
kshanena tanmahāsainyamasurānām tathāmbikā ।
ninye kshayam yathā vahnistrinadārumahāchayam ॥ 2.67॥
जैसे अग्नि तृण और काठ के महान ढेर को (भस्म कर देती है), वैसे ही अम्बिका ने असुरों की उस विशाल सेना को क्षण भर में नष्ट कर दिया।
In a moment Ambika brought that vast army of the asuras to destruction, as fire consumes a great heap of grass and timber.
2.68 स च सिंहो महानादमुत्सृजन् धुतकेसरः ।
शरीरेभ्योऽमरारीणामसूनिव विचिन्वति ॥ २.६८॥
sa ca siṁho mahānādamutsṛjan dhutakesaraḥ ।
śarīrebhyo'marārīṇāmasūniva vicinvati ॥ 2.68॥
sa cha simho mahānādamutsrijan dhutakesarah ।
sharīrebhyo'marārīnāmasūniva vichinvati ॥ 2.68॥
और वह सिंह (भी), महानाद छोड़ता और अयाल हिलाता हुआ, अमर-शत्रुओं के शरीरों से मानो प्राण बीनता फिरा।
And the lion, loosing his mighty roar, his mane shaking, prowled as if picking the very life-breaths out of the bodies of the immortals' foes.
2.69 देव्या गणैश्च तैस्तत्र कृतं युद्धं तथासुरैः ।
यथैषां तुतुषुर्देवाः पुष्पवृष्टिमुचो दिवि ॥ २.६९॥
devyā gaṇaiśca taistatra kṛtaṁ yuddhaṁ tathāsuraiḥ ।
yathaiṣāṁ tutuṣurdevāḥ puṣpavṛṣṭimuco divi ॥ 2.69॥
devyā ganaishcha taistatra kritam yuddham tathāsuraih ।
yathaishām tutushurdevāh pushpavrishtimucho divi ॥ 2.69॥
वहाँ देवी के उन गणों ने (भी) असुरों के साथ ऐसा युद्ध किया कि आकाश में पुष्पवर्षा करते हुए देवता उन पर प्रसन्न हो गये।
And such was the battle the Goddess's hosts waged there with the asuras that the gods in heaven, raining down flowers, were well pleased with them.
Samāpti
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये
महिषासुरसैन्यवधो नाम द्वितीयोऽध्यायः ॥ २॥
उवाच १, अर्धश्लोकाः ६८, श्लोकाः ६९,
एवमादितः ॥ १७३॥
॥ svasti śrīmārkaṇḍeyapurāṇe sāvarṇike manvantare devīmāhātmye
mahiṣāsurasainyavadho nāma dvitīyo'dhyāyaḥ ॥ 2॥
uvāca 1, ardhaślokāḥ 68, ślokāḥ 69,
evamāditaḥ ॥ 173॥
॥ svasti shrīmārkandeyapurāne sāvarnike manvantare devīmāhātmye
mahishāsurasainyavadho nāma dvitīyo'dhyāyah ॥ 2॥
uvācha 1, ardhashlokāh 68, shlokāh 69,
evamāditah ॥ 173॥
इस प्रकार श्रीमार्कण्डेय पुराण में, सावर्णिक मन्वन्तर (की कथा) में, देवीमाहात्म्य में 'महिषासुर-सैन्य-वध' नामक द्वितीय अध्याय (सम्पूर्ण हुआ)। (इसमें) उवाच १, अर्धश्लोक ६८ — (कुल) श्लोक ६९; इस प्रकार आदि से (कुल) १७३ (मन्त्र हुए)।
Thus, in the Markandeya Purana, in the account of the Savarnika Manvantara, in the Devi Mahatmya, ends the second chapter, named 'The Slaying of Mahishasura's Armies'. Uvacha 1, half-shlokas 68 — 69 in this chapter; thus 173 in all from the beginning.
