Dhyānam
ॐ ध्यायेयं रत्नपीठे शुककलपठितं शृण्वतीं श्यामलाङ्गीं
न्यस्तैकांघ्रिं सरोजे शशिशकलधरां वल्लकीं वादयन्तीम् ।
कल्हाराबद्धमालां नियमितविलसच्चोलिकां रत्नवस्त्रां
मातङ्गीं शङ्खपात्रां मधुरमधुमदां चित्रकोद्भासिभालाम् ॥
ॐ dhyāyeyaṁ ratnapīṭhe śukakalapaṭhitaṁ śaṛṇvatīṁ śyāmalāṅgīṁ
nyastaikāṁghriṁ saroje śaśiśakaladharāṁ vallakīṁ vādayantīm ।
kalhārābaddhamālāṁ niyamitavilasaccolikāṁ ratnavastrāṁ
mātaṅgīṁ śaṅkhapātrāṁ madhuramadhumadāṁ citrakodbhāsibhālām ॥
ॐ dhyāyeyam ratnapīthe shukakalapathitam sharinvatīm shyāmalāngīm
nyastaikāmghrim saroje shashishakaladharām vallakīm vādayantīm ।
kalhārābaddhamālām niyamitavilasachcholikām ratnavastrām
mātangīm shankhapātrām madhuramadhumadām chitrakodbhāsibhālām ॥
रत्नमय पीठ पर (विराजमान), तोते की मधुर बोली सुनती हुई, श्याम अंगों वाली, एक चरण कमल पर रखे हुए, मस्तक पर चन्द्रकला धारण किये, वीणा बजाती हुई, कल्हार (कुमुद) पुष्पों की माला पहने, कसी हुई चमकती चोली और रत्नजड़ित वस्त्र धारण किये, शंख का पात्र लिये, मीठे मधु (पान) से मदमाती, और तिलक (चित्रक) से दमकते भाल वाली मातंगी (देवी) का मैं ध्यान करता हूँ।
Let me meditate on Matangi — seated on a jewelled throne, listening to the sweet prattle of a parrot, dark-limbed, one foot resting on a lotus, the moon's digit on her brow, playing upon the vina; garlanded with kalhara blossoms, in a close-fitted shining bodice and jewelled raiment, the conch-cup in her hand, sweetly flushed with wine, her forehead lustrous with its painted mark.
7.1 ॐ ऋषिरुवाच ॥ ७.१॥
ॐ ṛṣiruvāca ॥ 7.1॥
ॐ rishiruvācha ॥ 7.1॥
ॐ। ऋषि बोले —
Om. The seer said:
7.2 आज्ञप्तास्ते ततो दैत्याश्चण्डमुण्डपुरोगमाः ।
चतुरङ्गबलोपेता ययुरभ्युद्यतायुधाः ॥ ७.२॥
ājñaptāste tato daityāścaṇḍamuṇḍapurogamāḥ ।
caturaṅgabalopetā yayurabhyudyatāyudhāḥ ॥ 7.2॥
āgyaptāste tato daityāshchandamundapurogamāh ।
chaturangabalopetā yayurabhyudyatāyudhāh ॥ 7.2॥
आज्ञा पाकर तब चण्ड-मुण्ड के नेतृत्व में वे दैत्य, चतुरंगिणी सेना से युक्त, हथियार उठाये चल पड़े।
So commanded, those daityas, with Chanda and Munda at their head, marched forth with their fourfold host, weapons upraised.
7.3 ददृशुस्ते ततो देवीमीषद्धासां व्यवस्थिताम् ।
सिंहस्योपरि शैलेन्द्रशृङ्गे महति काञ्चने ॥ ७.३॥
dadṛśuste tato devīmīṣaddhāsāṁ vyavasthitām ।
siṁhasyopari śailendraśaṛṅge mahati kāñcane ॥ 7.3॥
dadrishuste tato devīmīshaddhāsām vyavasthitām ।
simhasyopari shailendrasharinge mahati kānchane ॥ 7.3॥
वहाँ उन्होंने देवी को देखा — मन्द मुस्कान लिये, पर्वतराज के विशाल सुवर्णमय शिखर पर सिंह के ऊपर विराजमान।
There they beheld the Goddess, faintly smiling, seated upon the lion on a great golden peak of the king of mountains.
7.4 ते दृष्ट्वा तां समादातुमुद्यमं चक्रुरुद्यताः ।
आकृष्टचापासिधरास्तथान्ये तत्समीपगाः ॥ ७.४॥
te dṛṣṭvā tāṁ samādātumudyamaṁ cakrurudyatāḥ ।
ākṛṣṭacāpāsidharāstathānye tatsamīpagāḥ ॥ 7.4॥
te drishtvā tām samādātumudyamam chakrurudyatāh ।
ākrishtachāpāsidharāstathānye tatsamīpagāh ॥ 7.4॥
उसे देखकर वे उसे पकड़ लेने का उद्यम करने लगे; और दूसरे (भी) धनुष तानकर तथा खड्ग खींचकर उसके निकट जा पहुँचे।
Seeing her, they made eager effort to seize her; and others drew near to her, bows drawn and swords out.
7.5 ततः कोपं चकारोच्चैरम्बिका तानरीन्प्रति ।
कोपेन चास्या वदनं मषीवर्णमभूत्तदा ॥ ७.५॥
tataḥ kopaṁ cakāroccairambikā tānarīnprati ।
kopena cāsyā vadanaṁ maṣīvarṇamabhūttadā ॥ 7.5॥
tatah kopam chakārochchairambikā tānarīnprati ।
kopena chāsyā vadanam mashīvarnamabhūttadā ॥ 7.5॥
तब अम्बिका ने उन शत्रुओं पर महान कोप किया; और क्रोध से उनका मुख उस समय काजल-जैसे (काले) वर्ण का हो गया।
Then Ambika grew mightily wrathful against those foes; and with her wrath her face turned then black as ink.
7.6 भ्रुकुटीकुटिलात्तस्या ललाटफलकाद्द्रुतम् ।
काली करालवदना विनिष्क्रान्तासिपाशिनी ॥ ७.६॥
bhrukuṭīkuṭilāttasyā lalāṭaphalakāddrutam ।
kālī karālavadanā viniṣkrāntāsipāśinī ॥ 7.6॥
bhrukutīkutilāttasyā lalātaphalakāddrutam ।
kālī karālavadanā vinishkrāntāsipāshinī ॥ 7.6॥
भौंहों की कुटिलता से युक्त उनके ललाट-पट से तुरन्त, विकराल मुख वाली, खड्ग और पाश धारण किये काली प्रकट हुईं —
From the slab of her forehead, knit with frowning brows, there sprang forth at once Kali of the dreadful face, bearing sword and noose —
7.7 विचित्रखट्वाङ्गधरा नरमालाविभूषणा ।
द्वीपिचर्मपरीधाना शुष्कमांसातिभैरवा ॥ ७.७॥
vicitrakhaṭvāṅgadharā naramālāvibhūṣaṇā ।
dvīpicarmaparīdhānā śuṣkamāṁsātibhairavā ॥ 7.7॥
vichitrakhatvāngadharā naramālāvibhūshanā ।
dvīpicharmaparīdhānā shushkamāmsātibhairavā ॥ 7.7॥
विचित्र खट्वांग धारण किये, नरमुण्डों की माला से विभूषित, चीते की खाल पहने, सूखे मांस से अति भयंकर (दिखती हुई);
bearing the strange skull-topped staff, garlanded with human heads, clad in a tiger's skin, most terrible with her shrunken flesh;
7.8 अतिविस्तारवदना जिह्वाललनभीषणा ।
निमग्नारक्तनयना नादापूरितदिङ्मुखा ॥ ७.८॥
ativistāravadanā jihvālalanabhīṣaṇā ।
nimagnāraktanayanā nādāpūritadiṅmukhā ॥ 7.8॥
ativistāravadanā jihvālalanabhīshanā ।
nimagnāraktanayanā nādāpūritadinmukhā ॥ 7.8॥
अत्यन्त फैले (विशाल) मुख वाली, लपलपाती जीभ से भीषण, धँसी हुई लाल आँखों वाली, और (अपने) नाद से दिशाओं के मुखों को भरने वाली।
her mouth gaping wide, fearsome with her lolling tongue, her sunken eyes glowing red, filling the quarters of the sky with her roars.
7.9 सा वेगेनाभिपतिता घातयन्ती महासुरान् ।
सैन्ये तत्र सुरारीणामभक्षयत तद्बलम् ॥ ७.९॥
sā vegenābhipatitā ghātayantī mahāsurān ।
sainye tatra surārīṇāmabhakṣayata tadbalam ॥ 7.9॥
sā vegenābhipatitā ghātayantī mahāsurān ।
sainye tatra surārīnāmabhakshayata tadbalam ॥ 7.9॥
वह वेग से टूट पड़ीं और महासुरों का संहार करती हुई, देव-शत्रुओं की उस सेना में उस बल (सेना) को भक्षण करने लगीं।
She fell upon them with fury, slaughtering the great asuras, and in that army of the gods' foes began to devour the host.
7.10 पार्ष्णिग्राहाङ्कुशग्राहयोधघण्टासमन्वितान् ।
समादायैकहस्तेन मुखे चिक्षेप वारणान् ॥ ७.१०॥
pārṣṇigrāhāṅkuśagrāhayodhaghaṇṭāsamanvitān ।
samādāyaikahastena mukhe cikṣepa vāraṇān ॥ 7.10॥
pārshnigrāhānkushagrāhayodhaghantāsamanvitān ।
samādāyaikahastena mukhe chikshepa vāranān ॥ 7.10॥
पीछे के रक्षकों, अंकुश पकड़ने वाले (महावतों), योद्धाओं और घण्टों सहित हाथियों को एक ही हाथ से उठाकर (उसने) मुख में डाल लिया।
Seizing with a single hand the elephants — with their rear-guards, their goad-bearing drivers, their warriors and bells — she flung them into her mouth.
7.11 तथैव योधं तुरगै रथं सारथिना सह ।
निक्षिप्य वक्त्रे दशनैश्चर्वयन्त्यतिभैरवम् ॥ ७.११॥
tathaiva yodhaṁ turagai rathaṁ sārathinā saha ।
nikṣipya vaktre daśanaiścarvayantyatibhairavam ॥ 7.11॥
tathaiva yodham turagai ratham sārathinā saha ।
nikshipya vaktre dashanaishcharvayantyatibhairavam ॥ 7.11॥
वैसे ही योद्धा को घोड़ों सहित और रथ को सारथि सहित मुख में डालकर (वह) दाँतों से अत्यन्त भयंकर रूप से चबाने लगीं।
Likewise tossing into her mouth warrior with horses, and chariot with charioteer, she ground them most frightfully with her teeth.
7.12 एकं जग्राह केशेषु ग्रीवायामथ चापरम् ।
पादेनाक्रम्य चैवान्यमुरसान्यमपोथयत् ॥ ७.१२॥
ekaṁ jagrāha keśeṣu grīvāyāmatha cāparam ।
pādenākramya caivānyamurasānyamapothayat ॥ 7.12॥
ekam jagrāha kesheshu grīvāyāmatha chāparam ।
pādenākramya chaivānyamurasānyamapothayat ॥ 7.12॥
(उसने) एक को केशों से पकड़ा और दूसरे को गर्दन से; एक को पैर से दबाकर (कुचला) और दूसरे को वक्ष (की टक्कर) से पीस डाला।
One she seized by the hair, another by the neck; one she crushed under her foot, another she ground against her breast.
7.13 तैर्मुक्तानि च शस्त्राणि महास्त्राणि तथासुरैः ।
मुखेन जग्राह रुषा दशनैर्मथितान्यपि ॥ ७.१३॥
tairmuktāni ca śastrāṇi mahāstrāṇi tathāsuraiḥ ।
mukhena jagrāha ruṣā daśanairmathitānyapi ॥ 7.13॥
tairmuktāni cha shastrāni mahāstrāni tathāsuraih ।
mukhena jagrāha rushā dashanairmathitānyapi ॥ 7.13॥
और उन असुरों द्वारा छोड़े गये शस्त्रों और महान अस्त्रों को (उसने) रोष में भरकर मुख से पकड़ लिया और दाँतों से चबा डाला।
And the weapons and great missiles hurled by those asuras she caught in her mouth in her rage, and ground them up with her teeth.
7.14 बलिनां तद्बलं सर्वमसुराणां दुरात्मनाम् ।
ममर्दाभक्षयच्चान्यानन्यांश्चाताडयत्तदा ॥ ७.१४॥
balināṁ tadbalaṁ sarvamasurāṇāṁ durātmanām ।
mamardābhakṣayaccānyānanyāṁścātāḍayattadā ॥ 7.14॥
balinām tadbalam sarvamasurānām durātmanām ।
mamardābhakshayachchānyānanyāmshchātādayattadā ॥ 7.14॥
उन बलवान, दुरात्मा असुरों की उस सारी सेना को (उसने) मसल डाला; किन्हीं को खा गयीं और दूसरों को उस समय पीट (मार) डाला।
All that host of the strong and evil-souled asuras she crushed; some she devoured, and others she battered then and there.
7.15 असिना निहताः केचित्केचित्खट्वाङ्गताडिताः ।
जग्मुर्विनाशमसुरा दन्ताग्राभिहतास्तथा ॥ ७.१५॥
asinā nihatāḥ kecitkecitkhaṭvāṅgatāḍitāḥ ।
jagmurvināśamasurā dantāgrābhihatāstathā ॥ 7.15॥
asinā nihatāh kechitkechitkhatvāngatāditāh ।
jagmurvināshamasurā dantāgrābhihatāstathā ॥ 7.15॥
कुछ (असुर) खड्ग से मारे गये, कुछ खट्वांग से पीटे गये; और वैसे ही (कितने ही) असुर दाँतों की नोकों से आहत होकर विनाश को प्राप्त हुए।
Some were slain by her sword, some struck down by the skull-staff; and other asuras went to their destruction gored by the points of her teeth.
7.16 क्षणेन तद्बलं सर्वमसुराणां निपातितम् ।
दृष्ट्वा चण्डोऽभिदुद्राव तां कालीमतिभीषणाम् ॥ ७.१६॥
kṣaṇena tadbalaṁ sarvamasurāṇāṁ nipātitam ।
dṛṣṭvā caṇḍo'bhidudrāva tāṁ kālīmatibhīṣaṇām ॥ 7.16॥
kshanena tadbalam sarvamasurānām nipātitam ।
drishtvā chando'bhidudrāva tām kālīmatibhīshanām ॥ 7.16॥
क्षण भर में असुरों की वह सारी सेना गिरा दी गयी — यह देखकर चण्ड उस अति भीषण काली पर झपटा।
Seeing that whole army of the asuras felled in a moment, Chanda rushed upon that most terrifying Kali.
7.17 शरवर्षैर्महाभीमैर्भीमाक्षीं तां महासुरः ।
छादयामास चक्रैश्च मुण्डः क्षिप्तैः सहस्रशः ॥ ७.१७॥
śaravarṣairmahābhīmairbhīmākṣīṁ tāṁ mahāsuraḥ ।
chādayāmāsa cakraiśca muṇḍaḥ kṣiptaiḥ sahasraśaḥ ॥ 7.17॥
sharavarshairmahābhīmairbhīmākshīm tām mahāsurah ।
chhādayāmāsa chakraishcha mundah kshiptaih sahasrashah ॥ 7.17॥
उस महासुर ने अति भयंकर बाण-वर्षाओं से, और मुण्ड ने हजारों फेंके गये चक्रों से, उन भीमनयना (काली) को ढक दिया।
That great asura covered the dread-eyed one with most terrible showers of arrows, and Munda with discuses hurled by the thousand.
7.18 तानि चक्राण्यनेकानि विशमानानि तन्मुखम् ।
बभुर्यथार्कबिम्बानि सुबहूनि घनोदरम् ॥ ७.१८॥
tāni cakrāṇyanekāni viśamānāni tanmukham ।
babhuryathārkabimbāni subahūni ghanodaram ॥ 7.18॥
tāni chakrānyanekāni vishamānāni tanmukham ।
babhuryathārkabimbāni subahūni ghanodaram ॥ 7.18॥
उनके मुख में समाते हुए वे अनेक चक्र ऐसे शोभित हुए, जैसे बहुत-से सूर्य-बिम्ब मेघ के उदर (गर्भ) में समा रहे हों।
Those many discuses, vanishing into her mouth, gleamed like so many orbs of the sun passing into the belly of a cloud.
7.19 ततो जहासातिरुषा भीमं भैरवनादिनी ।
काली करालवदना दुर्दर्शदशनोज्ज्वला ॥ ७.१९॥
tato jahāsātiruṣā bhīmaṁ bhairavanādinī ।
kālī karālavadanā durdarśadaśanojjvalā ॥ 7.19॥
tato jahāsātirushā bhīmam bhairavanādinī ।
kālī karālavadanā durdarshadashanojjvalā ॥ 7.19॥
तब अति रोष में भरकर, भैरव नाद करने वाली, विकराल मुख वाली काली भयंकर अट्टहास कर उठीं — (उनके) दुर्दर्श (कठिनाई से देखे जा सकने वाले) दाँत चमक उठे।
Then Kali of the dreadful face, she of the terrifying roar, laughed a fearsome laugh in her towering rage, her hardly-to-be-looked-on teeth blazing.
7.20 उत्थाय च महासिंहं देवी चण्डमधावत ।
गृहीत्वा चास्य केशेषु शिरस्तेनासिनाच्छिनत् ॥ ७.२०॥
utthāya ca mahāsiṁhaṁ devī caṇḍamadhāvata ।
gṛhītvā cāsya keśeṣu śirastenāsinācchinat ॥ 7.20॥
utthāya cha mahāsimham devī chandamadhāvata ।
grihītvā chāsya kesheshu shirastenāsināchchhinat ॥ 7.20॥
और देवी (काली) महासिंह पर चढ़कर चण्ड पर दौड़ीं, और उसके केश पकड़कर उसी खड्ग से उसका सिर काट डाला।
And mounting her great lion, the Goddess charged at Chanda; seizing him by the hair, she severed his head with that same sword.
7.21 अथ मुण्डोऽभ्यधावत्तां दृष्ट्वा चण्डं निपातितम् ।
तमप्यपातयद्भूमौ सा खड्गाभिहतं रुषा ॥ ७.२१॥
atha muṇḍo'bhyadhāvattāṁ dṛṣṭvā caṇḍaṁ nipātitam ।
tamapyapātayadbhūmau sā khaḍgābhihataṁ ruṣā ॥ 7.21॥
atha mundo'bhyadhāvattām drishtvā chandam nipātitam ।
tamapyapātayadbhūmau sā khadgābhihatam rushā ॥ 7.21॥
चण्ड को गिरा देखकर मुण्ड (भी) उन पर झपटा; उन्होंने रोष में भरकर खड्ग के प्रहार से उसे भी भूमि पर गिरा दिया।
Then Munda, seeing Chanda laid low, rushed at her; him too she felled to the earth, struck with her sword in fury.
7.22 हतशेषं ततः सैन्यं दृष्ट्वा चण्डं निपातितम् ।
मुण्डं च सुमहावीर्यं दिशो भेजे भयातुरम् ॥ ७.२२॥
hataśeṣaṁ tataḥ sainyaṁ dṛṣṭvā caṇḍaṁ nipātitam ।
muṇḍaṁ ca sumahāvīryaṁ diśo bheje bhayāturam ॥ 7.22॥
hatashesham tatah sainyam drishtvā chandam nipātitam ।
mundam cha sumahāvīryam disho bheje bhayāturam ॥ 7.22॥
तब चण्ड और अति महापराक्रमी मुण्ड को गिरा देखकर, बची हुई सेना भय से व्याकुल होकर दिशाओं में भाग गयी।
Then the remnant of the army, seeing Chanda fallen, and Munda too of so great valour, fled panic-stricken to every quarter.
7.23 शिरश्चण्डस्य काली च गृहीत्वा मुण्डमेव च ।
प्राह प्रचण्डाट्टहासमिश्रमभ्येत्य चण्डिकाम् ॥ ७.२३॥
śiraścaṇḍasya kālī ca gṛhītvā muṇḍameva ca ।
prāha pracaṇḍāṭṭahāsamiśramabhyetya caṇḍikām ॥ 7.23॥
shirashchandasya kālī cha grihītvā mundameva cha ।
prāha prachandāttahāsamishramabhyetya chandikām ॥ 7.23॥
और काली, चण्ड का सिर तथा मुण्ड (का सिर) लेकर, चण्डिका के पास आकर प्रचण्ड अट्टहास के साथ बोलीं —
And Kali, taking the head of Chanda and Munda's too, came to Chandika and spoke, her words mingled with a tremendous laugh:
7.24 मया तवात्रोपहृतौ चण्डमुण्डौ महापशू ।
युद्धयज्ञे स्वयं शुम्भं निशुम्भं च हनिष्यसि ॥ ७.२४॥
mayā tavātropahṛtau caṇḍamuṇḍau mahāpaśū ।
yuddhayajñe svayaṁ śumbhaṁ niśumbhaṁ ca haniṣyasi ॥ 7.24॥
mayā tavātropahritau chandamundau mahāpashū ।
yuddhayagye svayam shumbham nishumbham cha hanishyasi ॥ 7.24॥
'मैंने यहाँ युद्ध-यज्ञ में चण्ड और मुण्ड — (इन) दो महापशुओं की — तुम्हें बलि अर्पित की है; (अब) शुम्भ और निशुम्भ का वध तुम स्वयं करोगी।'
'Here, in the sacrifice of battle, I have brought you Chanda and Munda as two great beasts of offering; Shumbha and Nishumbha you shall slay yourself.'
7.25 ऋषिरुवाच ॥ ७.२५॥
ṛṣiruvāca ॥ 7.25॥
rishiruvācha ॥ 7.25॥
ऋषि बोले —
The seer said:
7.26 तावानीतौ ततो दृष्ट्वा चण्डमुण्डौ महासुरौ ।
उवाच कालीं कल्याणी ललितं चण्डिका वचः ॥ ७.२६॥
tāvānītau tato dṛṣṭvā caṇḍamuṇḍau mahāsurau ।
uvāca kālīṁ kalyāṇī lalitaṁ caṇḍikā vacaḥ ॥ 7.26॥
tāvānītau tato drishtvā chandamundau mahāsurau ।
uvācha kālīm kalyānī lalitam chandikā vachah ॥ 7.26॥
तब (वहाँ) लाये गये उन दोनों महासुरों — चण्ड और मुण्ड — को देखकर कल्याणी चण्डिका ने काली से (यह) मधुर वचन कहा —
Then, seeing the two great asuras Chanda and Munda brought before her, the gracious Chandika spoke to Kali these winsome words:
7.27 यस्माच्चण्डं च मुण्डं च गृहीत्वा त्वमुपागता ।
चामुण्डेति ततो लोके ख्याता देवी भविष्यसि ॥ ७.२७॥
yasmāccaṇḍaṁ ca muṇḍaṁ ca gṛhītvā tvamupāgatā ।
cāmuṇḍeti tato loke khyātā devī bhaviṣyasi ॥ 7.27॥
yasmāchchandam cha mundam cha grihītvā tvamupāgatā ।
chāmundeti tato loke khyātā devī bhavishyasi ॥ 7.27॥
'क्योंकि तुम चण्ड और मुण्ड को लेकर (मेरे पास) आयी हो, इसलिए हे देवी! तुम लोक में चामुण्डा नाम से विख्यात होगी।'
'Because you have come to me bearing Chanda and Munda, you, O Goddess, shall be famed in the world as Chamunda.'
Samāpti
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये
चण्डमुण्डवधो नाम सप्तमोऽध्यायः ॥ ७॥
उवाच २, श्लोकाः २५,
एवमादितः ॥ ४३९॥
॥ svasti śrīmārkaṇḍeyapurāṇe sāvarṇike manvantare devīmāhātmye
caṇḍamuṇḍavadho nāma saptamo'dhyāyaḥ ॥ 7॥
uvāca 2, ślokāḥ 25,
evamāditaḥ ॥ 439॥
॥ svasti shrīmārkandeyapurāne sāvarnike manvantare devīmāhātmye
chandamundavadho nāma saptamo'dhyāyah ॥ 7॥
uvācha 2, shlokāh 25,
evamāditah ॥ 439॥
इस प्रकार श्रीमार्कण्डेय पुराण में, सावर्णिक मन्वन्तर (की कथा) में, देवीमाहात्म्य में 'चण्ड-मुण्ड-वध' नामक सप्तम अध्याय (सम्पूर्ण हुआ)। (इसमें) उवाच २, श्लोक २५; इस प्रकार आदि से (कुल) ४३९ (मन्त्र हुए)।
Thus, in the Markandeya Purana, in the account of the Savarnika Manvantara, in the Devi Mahatmya, ends the seventh chapter, named 'The Slaying of Chanda and Munda'. Uvachas 2, shlokas 25 — thus 439 in all from the beginning.
